Англиянинг "Бирмингем" клуби Дортдмунднинг "Боруссия" клубига кўчиб ўтган ўзининг 17 ёшли ярим ҳимоячиси Жуд Беллингемнинг рақамини муомиладан чиқарганини ўз сайти орқали эълон қилди.
Беллингем "Бирмингем" таркибида 22-рақам остида тўп сурганди, у клуб тарбияланувчиси саналади, "Бирмингем"нинг асосий таркибидаги дебют учрашувини 16 ёш 38 кунлигида ўтказган.
"Мен бу клубни севаман, у менинг юрагимнинг тубидан жой олади, чунки у менинг клубим - бу ерда ўйнаш мен учун шараф, - деди Беллингем. - Бу ерда етти ёшимдан бери ўйнаб келаман, шунинг учун, "Бирмингем" таркибидаги сўнгги ўйинимдан кейин кўз ёшларимни тийиб тура олмадим. Аммо, Дортмунд - менинг ўсишим учун ажойиб жой ва мен ўз келажагимга оптимистларча қарайман"
