Angliyaning "Birmingem" klubi Dortdmundning "Borussiya" klubiga ko‘chib o‘tgan o‘zining 17 yoshli yarim himoyachisi Jud Bellingemning raqamini muomiladan chiqarganini o‘z sayti orqali e’lon qildi.
Bellingem "Birmingem" tarkibida 22-raqam ostida to‘p surgandi, u klub tarbiyalanuvchisi sanaladi, "Birmingem"ning asosiy tarkibidagi debyut uchrashuvini 16 yosh 38 kunligida o‘tkazgan.
"Men bu klubni sevaman, u mening yuragimning tubidan joy oladi, chunki u mening klubim - bu yerda o‘ynash men uchun sharaf, - dedi Bellingem. - Bu yerda yetti yoshimdan beri o‘ynab kelaman, shuning uchun, "Birmingem" tarkibidagi so‘nggi o‘yinimdan keyin ko‘z yoshlarimni tiyib tura olmadim. Ammo, Dortmund - mening o‘sishim uchun ajoyib joy va men o‘z kelajagimga optimistlarcha qarayman"
