«Ливерпуль» ярим ҳимоячиси Адам Лаллана клубдаги 6 йиллик фаолияти якуни муносабати билан мухлисларга хайрлашув мактубини ёзди.

«Сўнгги олти йил ичида муҳаббат ва миннатдорликдан бошқа нарса бўлмади. Ўзимни уйимдагидек ҳис қилишимда ёрдам берган ажойиб инсонларга, мени қабул қилган мухлисларга раҳмат. Жаҳон даражасидаги ходимларга ҳам раҳмат, уларсиз бу ютуқларнинг ҳеч бирига эришмаган бўлардик. Уларнинг мен учун қанчалик қадрли эканини тасвирлаб бериш учун сўз топа олмаяпман. Ушбу ажойиб клуб шарафини ҳимоя қилиш имкониятини тақдим этган Брендан Рожерсдан миннатдорман. Юрген Клопп эса шунчаки футбол мураббийи эмас, балки ундан-да кўпроқдир.

Жамоадошларимга ҳам раҳмат, уларнинг ҳаммаси ака-укаларим. Мен ўзимни ўйиндаги энг бахтли йигит каби ҳис қилдим. Жордан Ҳендерсон — менинг энг яқин дўстим! Ҳеч ким бу йигитдан кўпроқ муваффақиятга лойиқ эмас. Бу дегани, ҳамма нарса унинг томонида бўлиши керак. Оилам, рафиқам, болаларим, ота-онам ва синглим — менинг жамоамдир. Улар ҳар доим ёнимда бўлди, яхши кунларимда ҳам, ёмон кунларимда ҳам.

Ушбу ўзига хос жамоанинг бир қисми бўлганимдан жуда миннатдорман. Энди эса навбат янги саргузаштларга», — деб ёзади Лаллана Instagram’даги саҳифасида.