"Барселона" ҳужумчиси Усмон Дембеле тикланиш жараёнини давом эттирмоқда.
"Mundo Deportivo" тарқатган хабарга кўра, "кўк-анорранглилар"нинг барча футболчилари бир ҳафталик таътилда дам олаётганида, франциялик футболчи клуб базасида шуғулланмоқда.
Каталонияликлар Европа чемпионлар лигасининг нимчорак финал босқичи доирасида "Наполи"га қарши жавоб ўйинини 8 август куни ўтказишади. Жамоа бу босқичда ўтса, чорак финал учрашувини 14 август куни "Бавария" - "Челси" жуфтлиги ғолибига қарши майдонга чиқади. Дембеле мана шу ўйинда майдонга тушишга тайёр бўлади.