«Ювентус» бош мураббийи Маурицио Сарри Скудеттони қўлга киритган энг ёши катта мутахассисга айланиши мумкин.

«Юве» чемпионга айланса, Сарри 61,5 ёшда соврин қўлга киритади. Бу эса мусобақа рекорди ҳисобланади.

Шу пайтгача энг ёши катта чемпион-мураббий Нильс Лидхольм бўлиб келаётганди. У 1983 йилда «Рома» билан 60 ёшу 7 ойликда Скудеттога эга чиққан эди. Лидхольм бу ёшда иккинчи чемпионликни нишонлаган бўлса, Сарри илк марта А серия ғолибига айланади.

61 ёшли мутахассис ҳисобида ҳозирча битта соврин бор. У 2018/19 йилги мавсумда «Челси» билан Европа лигасида ғолиб чиққан.

«Ювентус» бугун тунда «Сампдория»ни мағлуб этса, муддатидан аввал чемпионликни қўлга киритади.