Россиянинг «Зенит» клуби янги футболчиси Деян Ловрен янги жамоага кўчиб ўтганлиги муносабати билан ўз фикрларини билдирди.
— Деян, «Зенит»га хуш келибсиз! Ушбу ўтиш ҳақида қандай фикрдасиз? Ўзингизни қандай ҳис қиляпсиз?
— Раҳмат! «Зенит» клубига ўтганимдан хурсандман ва бундан фахрланаман. Ушбу трансфер амалга ошганлиги учун Сергей Семак ва Александр Медведевларга ўз миннатдорчилигимни билдираман.
— Жамоага келишингиздан олдин «Зенит» ва Петербург шаҳри ҳақида нималарни билардингиз?
— «Зенит» — Россиянинг энг кучли жамоаси эканлигини билардим, сўнгги икки йилда чемпион бўлганини ва жорий мавсумда Кубок соҳибига айланганини ҳам билардим. Нафақат бу нуфузлар мени ушбу клубга чорлади, шунингдек, жамоа таркибида кучли футболчилар ҳам жамоага ўтишимга туртки бўлди. «Зенит» еврокубокларга, асосан ЕЧЛга кўпроқ этибор қаратаётгани мени ўзига ром этди. Бу мен учун жуда муҳим. Мен ушбу турнирда ўзимдан яхши из қолдирдим, лекин бу мен учун оз, энди мен ўз тажрибамни янги жамоадошларимга улашмоқчиман ва янги жамоамни янада олдинга қадам ташлашига ёрдам бермоқчиман.
— 2018 йили Жаҳон Чемпионатида Хорватия терма жамоаси Рощинода машғулот олиб борган. Шаҳарни томоша қилишга улгурганмидингиз? Петербург ва Россиядан қандай таасуроотлар қолганди?
— Ҳа, ҳақиқатдан ҳам биз Петербургдан унча узоқ бўлмаган шаҳарчада яшагандик. Афсуски, мен шаҳар бўйлаб юрдим холос, аммо, дунёнинг энг чиройли шаҳарларидан бири сифатида таасуроот қолдирган. Рощино менга ёққанди, у ер жуда чиройли ва шимолнинг ажойиб табиати акс этган. Умуман олганда Россия ЖЧни ажойиб тарзда ўтказди, унгача мен 2014 йили Бразилияда бўлиб ўтган ЖЧда қатнашгандим ва Россияда ўтган ЖЧ тарихдаги энг яхшилар бири бўлганди.
— Деян, "Зенит" клуби мухлислари учун тилакларингиз
— Аввало, уларнинг барчаси тезроқ трубиналарга қайтишларини хоҳлайман. Ўн фоизи эмас, ярми эмас, барчаси қайтишини хоҳлайман. Бундан катта ва ажойиб стадион доим тўла бўлиши шарт! Мен ҳам ўз навбатида ўз ўйинларим билан ҳаракат қиламан ва машғулотлардаги меҳнатим билан уларнинг ҳурматини қозонаман. Биламан, бу осон бўлмайди, лекин бор кучимни ишга соламан. «Газпром Арена»да кўришгунча!
