Профессионал бокснинг супер ўрта (-76,2 кг) вазн тоифасида рингга чиқаётган Бектемир Мелиқўзиев (5-0, 4 КО) 28 август куни ўзининг навбатдаги жангини ўтказади. Шу куни Бектемирга мексикалик Алан Кампа (17-5, 11 КО) рақиблик қилади.
Жанг 28 август куни (Тошкент вақти билан 29 август тонгида) Калифорния штати, Индио шаҳридаги Fantasy Springs Resort Casino мажмуасида бўлиб ўтади.
Маълумот учун, Бектемир Мелиқўзиевнинг бўлажак рақиби Кампа, ўз вақтида машҳур боксчилар Сергей Деревянченко, Жесси Ҳарт (икккита минтақавий чемпионлик камари учун) каби боксчилар билан рингга чиққан. Сўнгги жангида енгилмас Эрик Бажинянга қарши иккита минтақавий чемпионлик камари учун жангда имкониятни бой берган.
