Қатарнинг "Ас-Садд" клуби бош мураббийи Хави келажакда "Барселона"ни бошқаришини инкор этмади.
"Яширмайман, "Барселона"ни бошқариш - менинг асосий мақсадим, лекин уни ҳали вақти келади. "Барселона" менинг уйим, "Барселона" мураббийи бўлиш бу менинг орзуларимнинг амалга ошиши бўлади.
Аммо мен ҳозир бор эътиборимни "Ас-Садд"га қаратганман. Аввало, Сетьенни ҳурмат қилиш керак, мен жамоага фақат омад тилайман.
Сетьен бошқарувида "Барселона" айрим вақт яхши ўйнади, баъзида унчамас. Бироқ, менга Сетьеннинг ғояси ёқади, ҳозир ҳам, аввалги жамоаларида ҳам: ўйинни бошқариш ва жозибали футбол кўрсатиш", -деди Хави.
