Профессионал бокснинг супер ярим ўрта (-69,85 кг) вазн тоифасида рингга кўтарилаётган Исроил Мадримов 15 август куни Оклаҳомада Эрик Уолкерга қарши рингга кўтарилиши ҳақида хабар бергандик.
Маълум бўлишича, ушбу жанг WBA вақтинчалик жаҳон чемпионлик камари учун кечади. Бугун WBA янги рейтинги эълон қилинди ва унда Уолкер бир йўла 6-ўринга кўтарилди. Вакант бўлган вақтинчалик чемпионлик камари учун рингга чиқадиган боксчилар рейтингда кучли ўнликдан жой олган бўлиши лозим. Айнан шу мақсадда Уолкер топ рейтингга киритилган. Исроил расмий даъвогар сифатида 2-ўринни банд этиб турибди.
Эслатиб ўтамиз, ўша куни Шаҳрам Ғиёсов ҳам ўзининг навбатдаги жангини ўтказади.
