Хитой чемпионатининг 2-турида «Шанхай СИПГ» 2 август, якшанба куни «Хебей Чайна Форчун» жамоасини қабул қилди.

Биринчи бўлим якунланиши арафасида Марко Арнаутович шанхайликларни олдинга олиб чиқди, иккинчи бўлим дебютида австриялик футболчи дублини нишонлади.

72-дақиқада Рикардо Лопес ҳисобни йирик кўринишга олиб келган бўлса, ҳакам томонидан қўшиб берилган вақтда бразилиялик футболчи якуний ҳисобни ўрнатди — 4:0.

Ўзбекистонлик футболчи Одил Аҳмедов асосий таркибда майдонга тушиб, 60-дақиқада захирага олинди.

Ушбу ғалабадан кейин «Шанхай СИПГ» очколарини 6 тага етказиб Б гуруҳи «Бейжин Гоан» билан бирга етакчилик қилмоқда.

Хитой Суперлигаси, 2-тур баҳси
2 август, якшанба
«Шанхай СИПГ» — «Хебей Чайна Форчун» 4:0
Голлар: 1:0 – 45 Арнаутович, 2:0 – 48 Арнаутович, 3:0 – 72 Рикардо Лопес, 4:0 – 90 Рикардо Лопес
«Шанхай СИПГ»: Ян Сзюнлин, Ван Шенчао, Ши Ке, Ҳе Гуан, Вей Жен, Люй Венсзюн (Юй Хай, 74), Оскар, Арнаутович (Сай Ҳуэйкан, 75), Мирахметжан Музеппер, Одил Аҳмедов (Лин Чуаньи, 60), Рикардо Лопес.
«Хебей Чайна Форчун»: Чи Венйи, Лю Сзин, Жен Ҳан, Мемишевич, Чао Юйхао, Пан Симин, Чан Чендун, Рикардо Голарт, Сюй Тянюань (Фен Ган, 59), Дун Сюешен, Маркао.
Огоҳлантириш: Пан Симин (58).