Италия А сериясининг 2019/20 йилги мавсуми якунига етди. Эътиборингизга жорий мавсум статистикаларини тақдим этамиз.

Рақиблар дарвозаси томон берилган зарбалар сони бўйича "Ювентус" ҳужумчиси Криштиану Роналдуга тенг келадигани топилмади. Португалиялик футболчи 138та зарба йўллаган бўлса, уларнинг 88таси аниқ бўлди (50таси ноаниқ). Шундан 31таси эса голга айланганидан хабарингиз бор.

Бу борада иккинчи ўринни А серия тўпурари Чиро Иммобиле эгаллади. Италиялик футболчи мавсум давомида рақиблар дарвозаси томон жами 119та зарба йўллади (77та — аниқ, 42та — ноаниқ).

Кучли учликка "Рома" форварди Эдин Жеко кирди – 93 зарба (57 – аниқ, 36 – ноаниқ).