Football Italia нашрининг тарқатган маълумотига қараганда, "Интер" клуби бош мураббийи Антонио Конте ва клуб бош директори Беппе Маротталар ўртасида учрашув бўлиб ўтади. Томонлар 51 ёшли мутахассиснинг жамоа бошқарувига қарши танқидлари ва унинг даволарини муҳокама қиладилар.
Агар можаро қўлдан чиқадиган бўлса, у ҳолда Конте бугуннинг ўзида истеъфога чиқарилади. "Нерадзурри" бош мураббий борасида алтернатив танловга эгалар. Чунки, жамоани бошқариш учун Массимилиано Аллегри ва Маурисио Почеттинолар билан музокара олиб борилган. Бу танловда аргентиналик мутахассиснинг позицияси мақбул кўрилмоқда.
