«Реал» ҳимоячиси Эдер Милитао Мадрид клубига мослашуви, Серхио Рамос ва Зайниддин Зидан ҳақида гапирди.

— Машғулотларда ва кундалик ҳаётда сизни ким кўпроқ ажаблантирди?
— Мен ҳар доим телевизорда Серхио Рамоснинг ўйинини кўриб, ҳайратга тушардим. Уни ўз кўзларингиз билан кўриш — ақлга сиғмайдиган нарса.

У ўз амбициясига эга ажойиб ўйинчи. Кроос ва Модрични ҳам айтиб ўтган бўлардим. Шунчаки ажойиб ўйинчилар.

— Зидан бош мураббий бўлиб келганида, сиз жамоада эдингиз. Тил топишишда муаммолар бўлмадими?
— Тезда тил топишдик. У ҳар доим мен билан ўйин олдидан ёки ундан бир неча кун олдин гаплашади. У мендан яхшироқ ишлашимни сўрайди.

— Футболчи ва мураббий сифатида афсонавий Зиданнинг жамоага жуда ҳам яқин эканлиги сизни ҳайрон қолдирмадими?
— Йўқ, мен айнан шуни кутгандим.

— Рамосни қандай тасвирлаган бўлардингиз?
— Гладиатор.

Маълумот учун, 22 ёшли Эдер Милитао 2019 йилнинг март ойидан бери «қироллик клуби» футболчиси ҳисобланади. У Испания Ла Лигасининг 2019/20 йилги мавсумида 15 та ўйин ўтказди.