«Реал» ярим ҳимоячиси Каземиро жамоадоши Гарет Бэйлни қўллаб-қувватлади.

«Ҳар бир футболчи қийин дамни бошидан кечирилиши мумкин. Бэйл ишламоқда. Ҳозир фаолиятидаги яхши палла эмаслигини у билиб турибди. Лекин у ишламоқда. Клуб ва мураббий уни қўллаб-қувватлайди...

У биз учун муҳим ўйинчи. Чунки у исталган пайтда барчани қойил қолдириши мумкин. У буни исботлаган. У ўзининг энг яхши формасида жаҳоннинг энг кучли уч футболчиси сафига кирган. Лекин ҳозир, тан олиш керак, Бэйл яхши формада эмас», — деди Каземиро "AS" нашрига берган интервьюсида.

Уэльслик футболчи 2019/20 йилги мавсумда «Реал» сафида барча мусобақалар доирасида 20та учрашувда майдонга тушиб, 3та гол урди ва 2та голга узатма берди. Унинг мадридликлар билан шартномаси 2022 йилга қадар тузилган.