Биласиз, айни пайтда пандемия сабабли аёллар жамоалари ўртасидаги мамлакат чемпионатида қисқа танаффус юзага келган.
Бу орада жамоалар ўз сафини кучайтириш ишларини ҳам бошлаб юборишди. Жумладан, Жиззахнинг “Сўғдиёна-W” клубида янги бош мураббий иш бошлади. Илгари 2018-2019 йилларда мазкур клубга устозлик қилган Шерали Бобоқулов яна жиззахлик футболчи қизларни шуғуллантирадиган бўлди. Клуб 1 йил давомида мураббийлик фаолиятида танаффус қилган Шерали Бобоқулов билан шартнома имзолади.
Қолаверса, жиззахликлар сафига янги легионер футболчи келиб қўшилди. Кот д'ивуарлик 27 ёшли ярим ҳимоячи Периале Росачерне Эпсе Доҳ “Сўғдиёна-W” шарафини ҳимоя қиладиган бўлди. Aёллар жамоалари ўртасидаги миллий чемпионатимизда хорижлик футболчилар кам эканини инобатга олсак, мазкур футболчининг ўйини мухлисларда қизиқиш уйғотса ажаб эмас.
