Bilasiz, ayni paytda pandemiya sababli ayollar jamoalari o‘rtasidagi mamlakat chempionatida qisqa tanaffus yuzaga kelgan.
Bu orada jamoalar o‘z safini kuchaytirish ishlarini ham boshlab yuborishdi. Jumladan, Jizzaxning “So‘g‘diyona-W” klubida yangi bosh murabbiy ish boshladi. Ilgari 2018-2019 yillarda mazkur klubga ustozlik qilgan Sherali Boboqulov yana jizzaxlik futbolchi qizlarni shug‘ullantiradigan bo‘ldi. Klub 1 yil davomida murabbiylik faoliyatida tanaffus qilgan Sherali Boboqulov bilan shartnoma imzoladi.
Qolaversa, jizzaxliklar safiga yangi legioner futbolchi kelib qo‘shildi. Kot d'ivuarlik 27 yoshli yarim himoyachi Periale Rosacherne Epse Doh “So‘g‘diyona-W” sharafini himoya qiladigan bo‘ldi. Ayollar jamoalari o‘rtasidagi milliy chempionatimizda xorijlik futbolchilar kam ekanini inobatga olsak, mazkur futbolchining o‘yini muxlislarda qiziqish uyg‘otsa ajab emas.
