Daily Mirror нашрининг хабарига кўра, "Бавария"да ижарада ҳаракат қилаётган "Барселона" ярим ҳимоячиси Филиппе Коутиньо фаолиятини "Тоттенхэм"да давом эттириши мумкин.
"Шпорлар" 27 ёшли бразилиялик ҳавбекни қишки трансфер вақтида "Интер"га ўтиб кетган Кристиан Эриксенга ўринбосар сифатида кўрмоқда.
Эслатиб ўтамиз, аввалроқ Коутиньонинг агенти футболчи АПЛга қайтмоқчи эканлиги ҳақида гапирганди. Филиппе хизматига "Арсенал" ҳам жиддий қизиқиб қолган. 2019/20 йилги мавсумда ҳавбек 23та ўйинда майдонга тушиб, 8та гол урди ва 6та голга ассистентлик қилди.