"Mediaset"нинг хабар беришича, Лео Месси отасининг ортидан ўзи ҳам "Интер" бош қароргоҳи қаршисидаги бинодан уй сотиб олибди. Албатта, "Viale della Liberazione"да жойлашган Torre Solaria футуристик биносидан олинган бу уй оддий сармоя бўлиши ҳам мумкин, лекин, шамол бўлмаса дарахтнинг учи қимирламайди, деганларидек...
"La Gazzetta dello Sport" анчадан бери Месси келажагини "Интер" билан боғлаши мавзусига урғу бермоқда. Энди "Sport Mediaset" ҳам бу мавзуга эътибор қаратмоқда. Бу масалада кўп нарса Мессининг "Барселона" билан шартномасини узайтириш ёки узайтирмаслик қарорига боғлиқ. Агар Месси янги шартнома имзолашдан бош тортса, "Suning" ва "Интер" юриш қилишга шай. Миш-мишларга қараганда, "Suning" аллақачон Мессини "Интер"га олиб келишни моддий қўллаб-қувватлашга тайёр ҳомийларни топиб қўйган.