Италиянинг «Интер» клуби бош мураббийи Антонио Конте Европа Лигасининг 1\4 финал босқичи доирасида «Байер» (2:1) клубига қарши учрашувдан кейинги фикрлари билан ўртоқлашди.
«Натижадан қониқдик, чунки, учрашувни ажойиб тарзда ўтказдик. Биз ўз вазифамизни бажардик ва машғулотларда ўйлаган режаларимизни расмий ўйинда бехато қўлладик.
Бир қатор қулай вазиятларни содир этдик. Учрашувда иккитадан ортиқроқ гол киритиб, учрашув тақдирини эртароқ ҳал қилишимиз ҳам мумкин эди. Нима бўлган тақдирда ҳам бугунги натижадан қониқиш ҳосил қилишимиз керак. Эртадан ярим финал ўйинига тайёргарликни бошлаймиз. Барча йўлларни босиб ўтишни хоҳлаймиз. «Интер» Европа Лигасида ғолиб чиқишни хоҳлайди», - деди Антонио Конте.
