Россиянинг «Зенит» клуби бош мураббийи Сергей Семак нима учун Россия клублари ЕЧЛда омадсизликка учраётгани ҳақида фикр билдирди.
«Нима учун Россия клублари ЕЧЛда омадсизликка учраяпти? Бу бизнинг футболимизни савияси. Бор гап шу. Бизда ўзимизнинг футбол ва муваффақиятли ўйнашимиз учун легионерлар лимити салбий таъсир кўрсатмоқда. Европанинг етакчи чемпионатларида ҳеч қанақа чеклов йўқ. Албатта, бизнинг чеклов билан Европанинг олди чемпионатларига қарши муносиб қаршилик кўрсатишни имконияти йўқ», - деди Семак «Футбол России» телеканалига берган интервьюсида.
Эслатиб ўтамиз, ўтган йилги мавсумда «Зенит» ва «Локомотив» клублари ўзларининг гуруҳларида сўнгги ўринни банд этишди. «Краснодар» клуби эса нуфузли турнирнинг гуруҳ босқичига йўл ололмади.
