"Манчестер Юнайтед" ўз эътиборини "Аякс" ҳужумкор ярим ҳимоячиси Донни ван де Бекга қаратиши мумкин. Бу ҳақда Британия матбуоти хабар бермоқда.

Маълумотларга кўра, "қизил иблислар" "Астон Вилла" етакчиси Жек Грилишни сотиб ололмаган тақдирдагина Ван де Бекни трансфер қилиш бўйича таклиф билан чиқишади. Ўз навбатида Ван де Бек 45-50 миллион еврога баҳоланмоқда, Грилиш учун эса "Астон Вилла" 80 миллиондан кўпроқ пул талаб қилмоқда.

Эслатиб ўтамиз, ўтган мавсумда Ван де Бек Голландия чемпионатида 23 та ўйинда майдонга тушиб, 8 та гол ва 6 та голли узатма амалга оширди.