Aнглиянинг “Манчестер Юнайтед” жамоаси бош мураббийи Оне Гуннар Сульшер Европа Лигаси ярим финал ўйини олдидан ўз фикр ва мулоҳазалари билан ўртоқлашиб ўтди. Испаниянинг “Севилья” жамоасига қарши учрашувда “қизил иблислар” устози шогирдлари икки ҳисса куч билан ҳаракат қилишига ишончи комил эканлигини яшириб ўтирмади.

“Биз бу мавсумда иккита ярим финалда тўп тепдик, ва омадсизликка учрадик. Ўйлашимча, ярим финаллар борасида етарлича натижа қайд этдик. Энди, бор эътиборимизни совринларга қаратишимиз керак. Ярим финалга чиқиш ажойиб натижа, аммо “Манчестер Юнайтед” учун етарли эмас.

Жамоа энди тўлиқ шакилланди ва ғалабаларга жуда ўч. Энг муҳими эса, иккита ярим финалдаги аламли мағлубиятлар бизни “Севилья”га қарши ўйин олдидан руҳлантириши керак. Шу сабабли, мусобақадаги бошқа жамоалардан ҳам кўра кўпроқ биз чемпион бўлишни исташимиз даркор. Иккита кубок баҳсини кучли тўртликда якунлаганимиз етарли. Энди олдинга қадам ташлашимиз керак.

Футбол жуда қизиқ спорт тури. Aгар, мағлубиятга учрасанг, жуда аламли ҳисни туюшга мажбур бўласан. Буни енгиб ўтгач, ушбу ҳисни юракдан туймаслик учун кейинги ўйинларда кўпроқ ҳаракат қилиш лозимлигини англаб етасан. Умид қиламан-ки, шогирдларим мавсум сўнггига қадар бошқа бу ҳисни туюшларига хожат қолмайди. Шу сабабли, “Севилья”га қарши ўйинда сиз ғалабага чанқоқ, ҳужумкор “Манчестер Юнайтед”ни майдонда кўрасиз!”