«ПСЖ» бош мураббийи Томас Тухель Европа чемпионлар лигаси финалидан кейин ўз фикрларини билдириб ўтди.

«Биз боримизни бердик. Майдонда ўз юрагимизни ва кучимизни қолдирдик. Финалда бу нарса керак, аммо ҳеч ким натижани кафолатлай олмайди. Биринчи гол ўйин тақдирини ҳал қилишини тахмин қилгандим.

Икки ўта кучли жамоалар тўқнашувида ўйин тақдирини битта гол ҳал қилди. Жамоам кўрсатган характердан, сўнгги бир нечта учрашувларда кўрсатган ўйинимиз билан фахрланаман. Мураббий сифатида бундан ортиғини сўрай олмайман. Ҳа, ҳафсалам пир бўлди, аммо жуда оғриқли эмас.

Гол — бугун бизга етишмаган ягона нарса. Биз вазиятлар яратдик, аммо рақиб гол урди. Ишончим комил, агар биринчи бўлиб биз гол урганимизда, 1:0 ҳисобида ғалаба қозонар эдик. Жуда яхши ўйин намойиш этган дақиқаларимиз бўлди. Баъзида эса сабр қилишимизга тўғри келди. Якунда эса вазиятлардан фойдаланиш панд берди. Килиан ва Неймар ҳамиша гол уришларини истаймиз, аммо буни доимо талаб қилишнинг имконияти йўқ», — деди Тухель.