Хабарингиз бор, бироз аввал сайтимизда "Андижон" футбол клуби ўз фаолиятини тўхтатиши мумкин" сарлавҳаси остида хабар чиқарилди. Бу маълумотларга аниқлик киритиш мақсадида жамоа бош мураббийи Виктор Кумиков билан боғландик.
– Матбуотда "Андижон" жамоаси тарқатиб юборилиши ҳақида хабарлар тарқалди. Бу қанчалик асосли?
– Афсуски, буларнинг бари ҳақиқат.
– Демак, жамоа кейинги турда "Пахтакор"га қарши майдонга тушмайди?
– Ҳа!
– Клуб ушбу мавсумда бир нечта ғалабани қўлга киритганида, раҳбарият клубни сақлаб қолишга ҳаракат қилган бўлармиди?
– Ғалаба қозониш учун ҳеч бўлмаганда клубдаги шароитни яхшилаш керак.
– Футболчиларнинг тақдири нима бўлади? Улар билан гаплашдингизми?
– Баъзиларида таклифлар бор, қолгани ишсиз қолади.
– Клуб бутунлай тугатилдими ёки келаси мавсумда Про-лигада иштирок этадими?
– Билмайман. Пул йўқ дейишдими, демак, тугатилади.
– Жамоадагилар охирги марта қачон маош олишди?
– Уч ой олдин. Ўтган йилгидан ҳам қарздорликлар бор.
– Сиз нима қилмоқчисиз? Сизда ҳам таклифлар борми?
– Уйга қайтаман. Ҳозирча ҳеч қаерда ишлашни хоҳламайман.
Жалолиддин Қобилжонов ёзиб олди.
