«Манчестер Сити» клуби «Барселона» ҳужумчиси Лионель Месси билан шартнома имзоламоқчи. "Шаҳарликлар" эса молиявий ҳалол ўйин қоидасининг бузилишига олиб келмайдиган таклиф тайёрламоқда.
"Diario Sport" тарқатган хабарга кўра, «Сити» аргентиналик футболчининг трансфери учун 100 миллион евро ҳамда ўзининг 3 нафар футболчиси — Габриэл Жезус, Бернарду Силва ва Эрик Гарсияни беришга тайёр.
Аввалроқ ОАВда «Барса» "Ман. Сити"нинг мазкур 3 ўйинчисига қизиқиш билдираётгани ҳақида хабарлар тарқалган эди. Transfermarkt бу уч футболчининг умумий нархини 152 миллион еврога баҳолаган. Эслатиб ўтамиз, Мессининг "Барса" билан шартномасидаги бадал пули 700 миллион еврога тенг.