Европа Лигаси мусобақасининг 1-саралаш босқичида Солигорскнинг «Шахтёр» жамоаси «Сфинтул Георге»га қарши баҳс олиб борди.
Ўйинни захирада бошлган Жасур Яхшибоев иккинчи бўлим бошида майдонга туширилди.
Ўйининг асосий бўлимларида ғолиб аниқланмади. Қўшимча бўлимлар меҳмонларнинг кичик устунлигида ўтди. Унда ҳам ҳисоб ўзгармагач пенальтилар сериясига мурожаат қилинди. «Шахтёр» сафида биринчи бўлиб 11 метрлик нуқтага Яхшибоев яқинлашди, аммо унинг зарбаси дарвоза тўсинига тегиб қайтди. Мезбонлар сафида фақат Александр Сачивко пенальтини аниқ амалга оширди, меҳмонлардан эса тўрт футболчи мўлжалда адашмади.
Шунингдек, яна бир ўзбекистонлик футболчи Шохруҳ Гадоев тўп сурадиган «Кешля» жамоаси «Лячи» билан куч синашди. Гадоев қатнашмаган бу ўйин ҳам пенальтилар сериясига қадар етиб борди ва унда албанларнинг қўли баланд келди.
Шу тариқа «Шахтёр» ва «Кешля» илк саралаш босқичидаёқ мусобақа билан хайрлашди.
Европа Лигаси, 1-саралаш босқичи
«Шахтёр Солигорск» Беларусь — «Сфинтул Георге» Молдова 0:0
Пенальтилар серияси — 1:4
«Шахтёр Солигорск»: Гутор, Бурко, Хадаркевич, Бегунов (Сотников, 105), Сачивко, Иванович (Баланович, 46), Селява, Кендиш (Сзоке, 68), Подстрелов, Архипов (Яхшибоев, 46), Бодул.
«Сфинтул Георге»: Чеботар, Фокша, Новиков, Свинаренко, Ожог, Саня (Племедяле, 84), Сливка, Мочуляк (Юрку, 79), Смирнов, Мандриченко (Суворов, 90), Волков.
Огоҳлантиришлар: Сливка (55), Мочуляк (72), Сзоке (88), Мандриченко (90), Сачивко (112), Райлян (120).
