Римнинг «Рома» клуби афсонавий собиқ футболчиси Франческо Тоттининг фикрича, Андреа Пирло «Ювентус» клубини муввафақият сари етаклай олади.

«У ажойиб инсон, умид қиламанки у мураббийлик фаолиятида ҳам ажойиб натижаларга эришади ва шуни айтишим мумкинки, «Ювентус» камдан-кам ҳолларда мураббий танловида адашади. Бу раҳбариятнинг ажойиб қарори бўлди», — деди Тотти.

«Бироқ, тан олишим керакки, бундай кескин қарорни кутмагандим. Мураббийликни энди бошлаётган мутахассис фаолиятини бирданига фақат ғалабалар талаб қилинадиган клубда бошлаши ноодатий ҳол. Буюк клубда Андреадан биринчи мавсумданоқ чемпионлик талаба қилинади.

«Ювентус» Пирлонинг мураббийликдаги биринчи клуби эканлиги бировнинг кўзига кўринмайди. Пирлодан фақат натижа талаб қилинади», — деди Тотти.