Туриннинг "Ювентус" клуби бош мураббийи Андреа Пирло жамоанинг кейинги мавсумдаги мақсадлари ҳақида фикр билдирди.
"Олдимизда осон бўлмаган йўл турибди. Биз янги мавсумга айтарли тайёргарликни бошламадик, ихтиёримга ҳали барча футболчилар етиб келмади. Шунингдек, таркибимизга янги футболчилар келиб қўшилишлари керак. Муваффақият қозониш учун бор кучимизни ишга соламиз. Асосий мақсадимиз - скудеттони кетма-кет 10-марта қўлга киритиш. Шунингдек, Европа Чемпионлари Лигасининг финалигача етиб бориш.
Тўпни йўқотишимиз билан тезроқ ўйинга қайтиш учун асосий урғуни прессингга қаратамиз. Якунига етган Европа Чемпионлари Лигасида ўйнаган клублар тўпни йўқотишлари билан зудлик билан уни эгаллаб олишга ҳаракат қилди", - Пирлонинг сўзларидан иқтибос келтирмоқда клуб расмий сайти.
А Сериянинг 1-турида "Ювентус" "Сампдория" клуби билан 19 ёки 20 сентябр куни баҳс олиб боради.
