Мадриднинг "Атлетико" клуби футболчилари - Диего Коста ва Сантьяго Ариаслар коронавирусга чалинганлиги ҳақида "матрасчилар"нинг расмий сайти хабар бермоқда.

Қайд этилишича, футболчилар Мадрид шаҳрининг чекка жойларида ҳордиқ чиқаришган, икки футболчида ҳам коронавирус аломатлари сезилган ва улар айни пайтда изоляцияга олинган. Шу сабабли, бу икки футболчи жамоанинг мавсумолди йиғинларининг дастлабки босқичини ўтказиб юборади.

Ла Лиганинг янги мавсуми 11 сентябрдан бошланиши режалаштирилган. Диего Симеоне шогирдлари янги чемпионатнинг илк уй учрашувини 27 сентябр куни "Гранада" клубига қарши баҳс олиб боради.