Англиянинг «Манчестер Юнайтед» клуби собиқ футболчиси, айни пайтда Уэльс терма жамоаси бош мураббийи бўлиб ишлаётган Райан Гиггз пенальти тепиш техникаси ҳақидаги хотиралари билан ўртоқлашди.

«Шундай футболчилар борки, зарбадан олдин дарвозабоннинг кўзига қарашади. Эден Азар ажойиб техникага эга, лекин зарбадан олдин жуда секин ҳаракат қилади. Ҳатто, Бруну Фернандеш пенальтини кичик сакраш билан амалга оширмоқда.

Мен ҳеч қачон бундай қилмаган бўлардим. Менинг фалсафам қуйидагича эди: тўпни асосан бурчакка йўналтирардим. Ҳатто дарвозабон тўпни йўналишини тўғри топган тақдирда ҳам, гол бўлиши аниқ эди. Шу сабабли, дарвозабоннинг қайси тарафга йўналиши мен учун муҳим эмасди. Агар мен пастки бурчакка зарба берганимда, дарвозабон бу тўпни қайтара олмасди.

Шу сабабли, мен дарвозабоннинг кўзига қарамаганман ва кўнгилочар ўйинларни ўйнашга ҳаракат қилмаганман. Пенальтини кўнгилочарлик билан амалга ошириш учун Азар ва Брунудек ишонч бўлиш керак. Погба ҳам қачонлардир секин югуриб тўпга зарба пайтлари бўлган. Мен ҳеч қачон бундай қилмаган бўлардим», – деди Гигг Goal портали билан интервьюда.