Каталониянинг «Барселона» клуби ҳужумчиси Антуан Гризманн жамоадоши Филиппе Коутиньодан 7-рақамни сўради.

Эслатиб ўтамиз, Гризманн ўтган мавсум «Барселона» таркибида 17-рақам остида тўп сурганди. 7-рақам эса Коутиньога берилганди. Кейинроқ бразилиялик футболчи «Бавария» клубига ижарага кетди. Ўшанда Антуан 7-рақамни олишга ҳаракат қилди, бироқ, Испания Қироллик Футбол Федерацияси мавсум ўртасида футболчининг рақам алмаштиришига рухсат бермаганди.

Рональд Куман Коутиньони «Камп Ноу»да сақлаб қолмоқчи ва унги иккинчи имкониятни бермоқчи. Филиппе 7-рақамни Антуанга берадими ёки йўқми, бу ҳақда ҳозирча аниқ бир маълумот йўқ.