«Эвертон» бош мураббийи Карло Анчелотти Премьер Лига 1-тури доирасида «Тоттенҳэм»га қарши кечган баҳсдаги ғалабадан (1:0) кейин ўз фикрлари билан ўртоқлашди.
"Футбол ўйнашни биладиган ўйинчилар учун мослашишга у қадар кўп вақт керак эмас. Хамес нима қилиши кераклигини билади, шунингдек, бу гаплар Аллан ва Дукурега ҳам тегишли.
Хамес дунёнинг энг тезкор футболчиси эмас, бироқ жуда сифатли ўйинчи. Биз ундан шундай фойдаланишимиз керакки, у ўзини кўрсата олсин. У вингер эмас, бироқ Хамес орқада ўйнаб, у ерда тўпни қабул қилиши мумкин. У рақиблар учун жуда хавфли.
Мени жисмоний ҳолат хавотирга солмайди. Агар бу ҳақида ўйлаганимда Хамесни эмас Усейн Болтни сотиб олган бўлардим", -деди мураббий.
