Уругвайлик футболчи, ПСЖнинг собиқ ҳужумчиси, айни дамда эркин агент бўлган Эдинсон Кавани янги клуб излашда давом этмоқда.
33 ёшли уругвайлик футболчи "Aтлетико" ва "Бенфика" билан музокара ўтказолмагач, "Барселона"га ўз хизматларини таклиф қилди, деб хабар бермоқда Sport.es.
Қайд этилишича, "Барселона" Каванини жамоани тарк этишга яқин турган Луис Суаресга ўринбосар деб билгани учун уни таклиф қилишга тайёр.
Кавани 2013 йилдан 2020 йилгача ПСЖда ўйнаган. Ўтган мавсумда уругвайлик форвард Франция чемпионатининг 14 учрашувида қатнашган ва у тўртта гол урган.
