Перулик машҳур футболчи Клаудио Писарро Мюнхеннинг "Бавария" клуби фахрий элчисига айланди.

«Мен янги ишни арафасида турибман. Бу менинг ҳаётимда бўлмаган тажриба бўлади. Мен катта истак ва мотивация билан ишлашга ваъда бераман. Яна «Бавария»нинг катта оиласига қайтганимдан хурсандман. "Бавария" - Европанинг энг яхши жамоаси ва мен бу клубнинг фахрий элчисини бўлганимдан фахрланаман», — деди Клаудио Писарро.

Қайд этиш керакки, 41 ёшли ҳужумчи футболчилик фаолиятини мана шу мавсумда якунлади. Унинг сўнгги жамоаси Германиянинг «Вердер» клуби бўлди.

Писарро футболчилик фаолиятининг катта қисмини «Бавария» ва «Вердер» клубларида ўтказган. У «Бавария» таркибида 320 та учрашувда майдонга тушиб, 152 та гол урган бўлса, «Вердер» таркибида 327 та учрашувда ўйнаб, 125 та гол муаллифига айланган.