Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичи кейинги йилга қолдирилганига қарамай, мазкур босқич учрашувларига тайёргарлик жараёнини режа асосида олиб боради.
Шу сабабли, Миллий жамоамиз октябр ойида Тошкентда ўқув-машғулот йиғини ташкил етади. Ушбу йиғин доирасида аввал хабар берганимиздек иккита халқаро ўртоқлик ўйини режалаштирилган.
Дастлаб, Вадим Aбрамов мураббийлиги остидаги миллий терма жамоамиз Еронга қарши ўртоқлик учрашувида майдонга тушади. Ушбу учрашув Эрон Ислом Республикаси футбол федерациясининг илтимосига биноан бир кун кейинга яъни 8-октябрга кўчирилди. Мазкур баҳс “Пахтакор” стадионида соат 18.00да бошланади.
Шунингдек, Ўзбекистон миллий терма жамоаси 12-октябрь куни Дубай шаҳрида БAA терма жамоасига қарши ўртоқлик ўйини ўтказади.
