Туриннинг "Ювентус" клуби бош мураббийи Андреа Пирло ўзининг биринчи расмий учрашувида "Сампдория" (3:0) клуби устидан қозонилган ғалаба ҳақидаги фикрлари билан ўртоқлашди.
"Биринчи бўлимни яхши ўтказдик, лекин гол киритишни уддасидан чиқмадик. Ўйинни охирига бориб йигитлар чарчаб қолишди, лекин барибир ўйин назоратини ўз қўлимизда ушлаб турдик. Биз ўйлаган нарсаларимизни амалга ошириш учун бироз вақт керак. Мен кимнингдир ғоясини кўчириб олмоқчи эмасман. Афсуски вақтимиз кўп эмас, чунки, мавсумолди йиғинларни кеч бошладик, кейин футболчилар ўз терма жамоалари ихтиёрига кетишди", — Пирлонинг сўзларидан иқтибос келтирмоқда Football Italia.
