«Тоттенҳэм» ярим ҳимоячиси Гарет Бэйлнинг агенти Жонатан Барнетт мижозининг «Реал»дан кетиши ҳақида фикр билдирди.

«Тоттенҳэм»дан ҳам каттароқ клублар қизиқиш билдирди, аммо Гарет шундай қарорга келди. У бу ердалигидан хурсанд.

Ҳамма унинг «Реал» даги вақти тугади деган қарорга келди, ҳаммаси жиддий эканлигини англаганимиз учун қарор қабул қилиш жуда осон кечди. Қарама-қаршиликлар кучайиб, қўллаб-қувватлаш эса тобора камайиб борди. Жуда кўп нарсалар бўлди.

Гарет «Реал»да ўзи муносиб бўлган ҳурматга сазовор бўлмади ва бу катта муаммо эди. «Реал» у клубда эришган ютуқлари учун Гарет юрган йўлларни ўпиши керак", — Жонатан Барнетт.

Эслатиб ўтамиз, Гарет Бэйл «Реал»да сўнгги йилларда жуда кам ўйин амалиётига эга бўлди ва якунда ижара асосида «Тоттенҳэм»га ўтишга қарор қилди.

Қайд этиш жоиз, «Тоттенҳэм» Гаретга бегона эмас. У 2007—2013 йиллар оралиғида «шпорлар» сафида тўп сурган. «Реал» уни ўша вақтдаги рекорд нарх — 101 миллион еврога сотиб олганди.