Осиё чемпионлар лигаси "В" гуруҳида "Пахтакор" ва "Шабаб ал-Аҳли" клублари плей-офф босқичи йўлланмасини қўлга киритиб бўлишди. Бу ҳақда ОФК расмий сайти хабар тарқатди.
Ушбу гуруҳда пешқадамлик қилиб турган "Ал-Ҳилол"нинг барча натижалари бекор қилинди. Боиси, Саудия жамоасида COVID-19 касаллиги кенг тарқалгани учун клуб сўнгги тур баҳси учун қайдномага бор-йўғи 11 нафар футболчини (улардан 3 нафари дарвозабон) киритди. Қоидага кўра эса, жамоа камида 13 нафар футболчи билан баҳсга ташриф буюриши керак эди.
ОЧЛ регламенти ҳар бир жамоага 35 нафар ўйинчини рўйхатдан ўтказиш имконини берган бўлиб, "Ал-Ҳилол" 30 ўйинчини "заявка" қилган эди. Жамоа Доҳага 27 ўйинчини олиб келган эди.
Осиё футбол конфедерацияси сўнгги тур учрашувини ўтказиш учун Саудия Арабистони футбол федерацияси ва "Ал-Ҳилол" клуби билан яқин алоқада бўлиб турди. Томонлар муаммоларни ҳал этиш учун бор кучини берганига қарамай, ўйинни ўтказишнинг имкони бўлмади.
ОЧЛ регламентининг 4.3 бандида қуйидагича қоида мавжуд:
"Агар жамоа сафидаги ўйинчилар сони ҳар қандай сабабга кўра 13 нафардан кам бўлса (бир дарвозабонни қўшиб ҳисоблаганда), клубнинг учрашувда иштирок этишига йўл қўйилмайди. Бунда масъулият клуб зиммасига юкланади ва у мусобақада иштирок этишдан бош тортган деб ҳисобланади.
Аммо маълум шароитларда, агар ўйиннинг бошқа муддатга кўчирилиши мусобақа тақвимига таъсир қилмаса, ОФК мусобақаларни ўтказиш қўмитаси истисно тариқасида, ўйинни бошқа вақтга кўчириши мумкин".
ОЧЛ Ғарб минтақасидаги ўйинларни ўтказишга масъул бўлган ташкилий қўмита "Ал-Ҳилол" - "Шабаб ал-Аҳли" ўйинини бошқа муддатга қолдириш мусобақанинг кейинги тақвимига салбий таъсир кўрсатиши мумкинлигини инобатга олган ҳолда, истисно қилмасликка қарор қилди.
Шу тариқа, "Ал-Ҳилол"нинг барча натижалари бекор қилинди. Натижада "Пахтакор" ва "Шабаб ал-Аҳли"нинг ҳисобидаги очколар 7тани ташкил қилди. Агар Арвеладзе жамоаси бугун "Шаҳр Ходро"га ютқазса ҳам, ўзаро ўйинда БАА жамоасидан устунликка эга бўлгани учун гуруҳда 1-ўринни эгаллайди.
"Пахтакор" нимчорак финални 26 сентябрь куни Эроннинг "Истиқлол" клубига қарши ўтказади.
| 14/11 05:00 | Уругвай | - | Колумбия | ||
| 14/11 05:00 | Перу | - | Чили | ||
| 14/11 14:10 | Австралия | - | Саудия Арабистони | ||
| 14/11 17:00 | КХДР | - | Эрон | ||
| 14/11 19:00 | Баҳрайн | - | Хитой | ||
| 14/11 19:00 | Кувайт | - | Жанубий Корея | ||
| 14/11 21:00 | Уммон | - | Фаластин | ||
| 14/11 21:15 | Ироқ | - | Иордания | ||
| 14/11 21:15 | Қатар | - | Ўзбекистон | ||
| 14/11 21:15 | БАА | - | Қирғизистон | ||
| 15/11 02:00 | Венесуэла | - | Бразилия | ||
| 15/11 04:30 | Парагвай | - | Аргентина | ||
| 15/11 05:00 | Эквадор | - | Боливия | ||
| 15/11 17:00 | Индонезия | - | Япония |
Расман. «Пахтакор» ОЧЛ нимчорак финал йўлланмасини қўлга киритиб бўлди
| Баҳо: |
+ | -
|
Рукн: Янгиликлар
Манба: www.stadion.uz.
Киритилди: 23:45, 23.09.2020.
Ўқилди: 4908 марта.
Фикрлар: 1 та.
Ўқилди: 4908 марта.
Фикрлар: 1 та.
ЭНГ КЎП ЎҚИЛГАН ЯНГИЛИКЛАР
"Реал" молиявий муаммо сабабли Винисиус, Родриго ва бир қанча футболчиларни сотишга тайёр [7111]
"Реал"нинг 19 ёшли собиқ футболчиси фаолиятини якунлаганини эълон қилди [6525]
«Персеполис» Остон Ўруновга қимматбаҳо совға берди (фото) [5360]
ЖЧ-2026 саралаши. Қатар ва КХДРга қарши ўйинларни қаердан кўрамиз? [4419]
«Реал»да дахлсиз битта футболчи бор [4109]
Ла Лига президенти Тебас: "Ямал янги Месси бўла олмайди" [3193]
Майк Тайсон — Жейк Пол бокс оқшомининг тўлиқ карди билан танишинг [3091]
Родри "Хайр, Винисиус" деб қичқирган видеосига изоҳ берди [2989]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|