Ушбу рукнимиздаги энг сўнгги янгиликлар билан таништиришда давом этамиз.
Эриксен AПЛга қайтади?!
Миланнинг «Интер» клуби ярим ҳимоячиси Кристиан Эриксен фаолиятини AПЛда давом эттириши мумкин.
"Taem Talk« нашрининг маълум қилишича, »қизил иблислар« Эриксенни қўлга киритиш учун "Интер"га 18 миллион евро таклиф этмоқда.
Манбанинг маълум қилишича, Сулшер ушбу трансферни бир ҳафта ичида расмийлаштиришни истамоқда.
Кюизанс ҳам AПЛга йўл олмоқда
Мюнҳеннинг «Бавария» жамоаси ярим ҳимоячиси Микаэл Кюизанс янги мавсумни «туманли албион»да бошлаши мумкин.
"Footmercato« нашрининг маълум қилишича, 21 ёшли футболчининг хизматлари билан "Лидс" жиддий қизиқиб қолган.
Манбанинг маълум қилишича, Мюнҳен клуби ўз футболчисини ижарага беришга рози. Жамоа французнинг ўйин амалиётига эга бўлиши учун ҳамма нарсага тайёр.
Фофана трендда!
«Сент-Этьен» жамоаси ҳимоячиси Уэсли Фофана фаолиятини инглиз клубларидан бирида давом эттиришга яқин.
Журналист Никола Скира берган маълумотларга қараганда, 19 ёшли футболчи билан «Лестер» ва «Вест Ҳем» жамоалари жиддий қизиқиб қолган.
Манбанинг маълум қилишича, француз клуби ҳимоячини 40 миллион евродан камига қўйиб юбормоқчи эмас.
«Марсел» «юлдузча»ни қўлга киритди
Бразилиялик ярим ҳимоячи Луис Энрике Лима «Марсел» жамоаси билан шартнома имзолади.
«Ботафого» клубидаги ўйинлари билан гранд клублар эътиборини тортган бўлажак юлдуз янги мавсумни «Марсел» сафида бошлайди.
Клуб расмий сайтининг маълум қилишича, клуб Лима билан 5 йиллик шартнома имзолаган. Aйни дамда, трансфернинг молиявий жиҳатлари ҳақида маълумот йўқ.
«Рома» «Реал» билан алоқага чиқди
Римнинг «Рома» клуби трансфер ҳуқуқи «Реал Мадрид»га тегишли бўлган Борха Майорал билан қизиқиб қолди.
Журналист Жанлука Ди Марцио берган маълумотларга қараганда, «бўрилар» ҳужумчи борасида Мадрид клуби билан музокаралар олиб бормоқда.
Эслатиб ўтамиз, Майоральнинг «Реал» билан тузган шартномаси 2021 йилда ўз якунига етади. Унинг трансфери 10-12 миллион еврога баҳоланмоқда.
