Ушбу рукнимиздаги энг сўнгги янгиликлар билан таништиришда давом этамиз.
«Барселона» ўз футболчисидан «қутилмоқчи»
Каталониянинг «барселона» жамоаси Рики Пуч масаласини ойдинлик кирита олмаяпти.
«Mundo Deportivo» нашрининг маълум қилишича, ярим ҳимоячи янги мураббий режасига кирмаган бўлсада, клуби тарк этмоқчи эмас.
Манбанинг маълум қилишича ярим ҳимоячига шахсан Куманнинг ўзи янги клуб излаши кераклигини маълум қилган.
Манжукичнинг манзили қаер?
«Ювентус» клуби собиқ ҳужумчиси Марио Манжукич фаолиятини қайси клубда давом эттириши борасида бир қарорга келди.
Турк нашрларининг маълум қилишича, хорватиялик футболчи билан «Бешикташ» шартнома имзолаш ниятида.
Маълумотларга қараганда, айни дамда ҳужумчининг агенти Истанбул шаҳрида ва музокаралар давом этмоқда.
Дракслер РПЛда?!
Парижнинг ПСЖ клуби ярим ҳимоячиси Юлиан Дракслер фаолиятини бошқа клубда давом эттирмоқчи эмас.
«Sky Sport» нашрининг маълум қилишича, немис яна бир мавсум Парижда қолади ва клуби эркин агент сифатида тарк этади.
Манбанинг маълум қилишича, футболчи шартномаси якунлангач, катта эҳтимол билан Бундеслига клубларидан бири сафига бориб қўшилади.
Старридж яна қайтадими?
«Ливерпуль» ва «Челси» клубларидаги ўйинлари билан мухлисларга яхши таниш бўлган Даниэл Старридж фаолиятини AПЛда давом эттириши мумкин.
«Sky Sport» нашрининг маълум қилишича, ҳужумчи билан «Шеффилд Юнайтед» шартнома имзолаш ниятида. AПЛни мағлубият билан бошлаган клуб тажрибали ҳужумчи изламоқда
Эслатиб ўтамиз, айни дамда Старрид 8-дивизиондаги «Кидсгроув» билан машғулотларда иштирок этмоқда.
Лемпард фикридан қайтгани йўқ
Aнглиянинг «Челси» клуби устози – Френк Лемпард «Вест Ҳем» ярим ҳимоячиси Деклан Райнс билан шартнома имзолаш ниятидан қайтгани йўқ.
Мураббий омадсиз стартда таянч ярим ҳимоячиларини айбламоқда. Шу боис, трансфер ойнаси ёпилишидан аввалроқ Райсни қўлга киритмоқчи.
«The Sun» нашрининг маълум қилишича, мураббий Жоржиньони арзонроқ сумма эвазига бўлса ҳам қўйиб юбориш ниятида. Aуарнинг трансфери барбод бўлгач, “Aрсенал” Жоржиньо билан шартнома имзолаш вариантга қайтмоқчи.
Манбанинг маълум қилишича, агар Жоржиньо трансфер қилинса, унинг ўрнини Деклан Райс эгаллайди.
