Мадриднинг «Реал» клуби ярим ҳимоячиси Федерико Вальверде жорий мавсумдаги илк голини «Бетис» клуби дарвозасига киритди.

Уругвайлик футболчининг асосий мақсади - гол киритиш эмас. «Бетис»га қарши ўйинда у ажойиб тезлик намойиш этди.

«Бу ярим ҳимоячининг роли. Менинг ишим — оёқларим тортишиб қолгунча югуриш. Мен доим шундай қиламан. Вазиятни аста-секин тузатаман ва мен шунчаки югурмайман, фойдали ҳаракатларни амалга ошираман», — деди Вальверде.

«Тўпни эгаллаб олишим билан рақиб жарима майдончасига боришим кераклгини Зидан доим айтади. У менинг қилаётган ишларимни доим гапиради. Гол киритиш – ҳақиқатдан ҳам муҳим, лекин бу иш билан ҳужумчилар шуғуллангани маъқул. Мен уларга шу имкониятни яратиб беришим керак», — деди Вальверде.