Лондоннинг "Челси" клуби ҳужумчиси Тэмми Абрахам "Кристал Пэлас" клубига қарши учрашув пайтида жамоа сардори Сезар Аспиликуэта билан тортишиб қолди.
Гап шундаки, рақиб дарвозасига пенальти белгиланган пайтда Сезар Аспиликуэта тўпни Тэмми Абрахамнинг қўлидан тортиб олади. Абрахам эса пенальтини бажаришга тайёр эди.
Ўша пайтда "кўклар" 3:0 ҳисобида олдинда боришаётган эди ва 23 ёшли Абрахам ўз номини таблога ёздириш қўйишни хоҳлаганди.
Бироқ, Аспиликуэта Абрахамнинг ёнига келди ва тўпни унинг қўлидан тортиб олиб, жамоанинг штатли пенальтичиси Жоржиньога узатди.
Гарчи, Жоржиньо 11 метрли жарима тўпини аниқ амалга ошириб, ҳисобни 4:0 кўринишига олиб келган бўлса-да, Абрахамни юзида табассум пайдо бўлмади.
