Англиянинг «Манчестер Юнайтед» клуби собиқ ҳужумчиси Уэйн Руни собиқ жамоасига маслаҳат берди. Унинг сўзларига кўра, «МЮ» катта маблағ эвазига Жейдон Санчони сотиб олиш фикридан қайтиши керак. Ундан кўра, ўша пулга «Тоттенхэм» ҳужумчиси Харри Кейнни харид қилиш шарт.

«Санчо ажойиб футболчи, аммо, «Манчестер Юнайтед» унга устувор аҳамият бераётгани мени ҳайрон қолдирмоқда. Ўз таркибингиздан топишингиз мумкин бўлган шундай футболчи учун нима кераги бор катта маблағ сарф қилиб. «МЮ» таркибида Марсьяль ва Рэшфордлар бор, қолаверса, Санчо ўйнайдиган позицияда Гринвуд бор.

Менимча, маблағларни Харри Кейннинг трансферига сарфлаш мақсадга мувофиқде кўринмоқда. Эҳтимол бунинг иложиси йўқдир, бироқ, «МЮ» доим яхши ўйинчиларни харид қилишга ҳаракат қилиши керак. Кейн Сульшер учун жуда муҳим футболчи», - деди Руни.