«Реал» дарвозабони Тибо Куртуа «Барселона» посбони Марк-Андре тер Штеген ҳақида ўз фикрини билдириб ўтди.

«Барселона» ўз ҳужумларини ҳимоядан бошлайди. Бунда эса дарвозабон муҳим аҳамиятга эга. Ўйлашимча, биз дарвозабонлар тўп билан тобора кўпроқ муомалада бўляпмиз.

Оёқ билан ўйнашда тер Штегендан кучлироқ дарвозабон борми ёки йўқми, билмайман. У «Барса» ўйинига яхши мослашган. Рақибнинг зарбаларини қайтариш ҳам муҳим аҳамиятга эга. Бу борада ҳам у жуда кучли.

Облак оёқ билан у қадар кўп ўйнамайди, лекин бунга эҳтиёж туғилса, ишончим комил, у буни уддалай олади. Ҳозирги пайтда дарвозабонлар ҳар томонлама мукаммал бўлиши, жумладан, оёқ билан ўйнашни ҳам билиши керак», – деди Куртуа.