Каталониянинг «Барселона» клуби бош мураббийи Роналд Куман жамоа ҳужумчиси Антуан Гризманн ҳақида фикр билдирди.

Франциялик футболчи терма жамоасининг ўйинидан кейин "Мураббийи (Дидье Дешам) мени қайси позицияга қўйишни билади"-деганди.

– Менда Антуан билан муаммо йўқ. Мен уни ҳеч қачон бегона позицияга қўймаганман. Биз "ўнталик" позициясида 10 нафар футболчи билан ўйнай олмаймиз.

– Гризманнинг сўзлари сизни ранжитмадими?

– Ҳар ким ўз фикрини айтишга ҳақлидир. Мен у билан кеча гаплашдим, лекин бу ҳақда эмас. Биз унинг позицияси ва самарадорлиги ҳақида суҳбатлашдик. Мен жамоа учун энг яхшисини излаяпман ва агар у ўнг томондан бошлаш керак бўлса, демак керак. Шунингдек, у "ўнлик" ёки "тўққизлик"да ўйнаши мумкин, бироқ, бу ҳақда мен қарор чиқарман, у эса максимум ҳаракат қилиш керак.

– Муваффақиятга эришиш учун Гризманн нима қилиш керак?

– Имкониятларини синаб кўриши керак, озгина омад керак, бундан ташқари, у бор имкониятларини ишга солиши шарт. Мураббий буйруқ беради, у бўлса бор кучини ишга солиши керак.

– Мессига дам беришни ўйламаяпсизми?

– Биз ҳар бир учрашувда энг яхши таркибимиздан фойдаланишни хоҳлаймиз. Терма жамоалар катта клубларда чарчоқ қўшади. Барча футболчилар ихтиёримизга катта иштиёқ ва қувонч билан қайтди. Месси масаласини машғулотлардан кейин ҳал қиламиз, – деди Куман.