Суперлиганинг 19-тур доирасида бўлиб ўтган Машъал" ҳамда АГМК жамоалари ўртасидаги учрашувдан кейинги ташкил этилган матбуот анжуманида "АГМК" жамоаси бош мураббийи Миржалол Қосимов иштирок этди.

- Учрашув курашларга бой бўлди. Биринчи бўлимда майдон эгаларининг хатоси туфайли ҳисобда олдинга чиқиб олдик. Ўйлайманки, кейинги ўйинлардан ўз ритмимизга тушиб оламиз. Юзага келаётган катта танаффуслар жамоани ўз ритмидан чиқариб юборяпти. "Машъал" жамоаси ҳам бугун ўйин намойиш этмади. Уларнинг кейинги ўйинларига омад тилайман.

- АГМК кейинги турни "Насаф" жамоасига қарши ўтказади...

- Ҳар бир ўйинга тайёргарлик кўрганимиз каби "Насаф" жамоасига ҳам шундай тайёргарлик кўрамиз. "Насаф" жамоаси таркибида ёш, ғалабага чанқоқ футболчилар бор. Бердиев яхши жамоани шакллантирмоқда. Қисқа қилиб айтганда, "олти очколик" ўйин бўлади.

- Бугун АГМК кам ҳужум қилиб ғалабани "илиб" кетди.

- Ҳақиқатдан ҳам оғир ўйин бўлди. Биринчи бўлим ҳам, иккинчи бўлим ҳам қизғин курашларга бой бўлди. Биз эса ақл билан ўйнадик. Ўртада юзага келган танаффус жамоанинг ўйинини ритмидан чиқариб юборганини юқорида айтдим. Юзага келган танаффус футболчиларнинг жисмоний ҳолатига таъсир кўрсатади.

- Футболчилар майдон ҳолатидан шикоят қилишмадими?

- Майдон ҳолатидан ҳеч ким эътироз қилмади. Муборакда ҳар доим майдон яхши бўлган. Қолаверса, ҳозир куз фасли, майдон юмшоқ бўлади.