Мадриднинг «Реал» клуби дарвозабони Тибо Куртуа ўз майдонида «Кадис» (0:1) клубидан қабул қилиб олинган мағлубият ҳақида фикр билдирди.

«Мураббийимиз танаффус пайтида тўртта ўйинчи алмаштиришни амалга оширди ва иккинчи бўлимда яхши ўйин намойиш этишни бошладик, лекин гол киритишни уддалай олмадик. «Кадис» – яхши ташкил этилган жамоа, уларнинг 11 нафар футболчилари майдоннинг ўзларига тегишли бўлган қисмида жуда яхши ҳимояланишди.

Ушбу мағлубиятни тушунтириш қийин, биз ўзаро гаплашиб олишимиз керак. Бу ўзимизни оқлаш эмас, лекин терма жамоалар йиғинига кетган футболчиларнинг барчаси яқиндагина клуб ихтиёрига етиб келдик ва фақатгина кеча умумий машғулотларда тўлиқ таркиб билан иштирок этдик. Биз учта ўйиндан гол ура олмаяпмиз, бироқ, ўйин омадсиз якунланганида бу ҳимояга ҳам, ҳужумга ҳам таъсир қилади.

Мағлубият ҳар доим уйғонишимизга ёрдам беради. Ҳеч бўлмаганда уйдаги ҳар бир ўйинда ғалаба қозонишимиз керак. Энди "Эл Класико" олдидан «Шахтёр» [ЕЧЛ доирасидаги ўйин] клубини мағлуб этишимиз шарт», – деди Куртуа Movistar билан интервьюда.