Лондоннинг "Тоттенхэм" клуби бош мураббийи Жозе Моуриньо яқин вақтлар ичида Гарет Бэйл жамоадаги дебют учрашувини ўтказиши мумкинлигини айтди.

"Бэйл билан биринчи марта кўришганимда, у учун қайси позиция қулай эканлигини сўрагандим. Ўнг қанотда ўйнашни ёқтиришини айтганди. У энди ҳужумда ҳам ўйамайди, фаолиятини бошида ўйнаган чап қанотида ҳам ўйнамайди.

У аввалги формасига қайтиб олса, "Реал"га энди келиб қўшилган Бэйлни кўришимиз мумкин.

Шубҳасиз, Бэйл якшанба куни "Вест Хэм" клубига қарши ўйинда майдонга тушади. Агар бу воқеа якшанба куни содир бўлмаса, у ҳолда ЕЛ доирасида ЛАСК клубига қарши майдонга тушади. Таркибимизда ўйнашни интизорлик билан кутмоқда. Таркибимизга келиб қўшилган куниёқ майдонга тушишни интизорлик билан кутаётганини яширмаганди, аммо, бу ўша пайтда мумкин эмасди.

У машғулотларда яхши ишламоқда, эҳтимол авваллари жароҳат сабабли машғулотларда қатнашмагани учундир. Ҳар бир футболчи биз учунмуҳим, бироқ, тарихни ҳисобга олган ҳолда шуни айтиш мумкинки, Гарет билан боғлиқ вазият алоҳида", - деди Моуриньо Marca нашри билан суҳбатда.