«Барселона» клуби ярим ҳимоячилар Серхио Бускетс ва Филиппе Коутиньо, ҳимоячи Сержи Роберто ҳамда ҳужумчи Антуан Гризманн билан шартнома узайтирмоқчи. Клуб ҳозирда мазкур ўйинчиларнинг агентлари билан музокара олиб бормоқда.
ESPN тарқатган хабарга кўра, футболчилар янги шартномага имзо чекишса, мавсум-2020/21да уларнинг маоши камайтирилади. Аммо келажакда маошлар оширилади. «Барса» инқироздан чиқиб кетиш учун шундай йўл тутишга мажбур бўлмоқда.
Робертонинг каталонияликлар билан амалдаги шартномаси 2022, Бускетс ва Коутиньоники 2023, Гризманники эса 2024 йилга қадар тузилган.
Аввалроқ "кўк-анорранглилар" шундай шартлар асосида Марк-Андре тер Штеген, Френки де Йонг, Жерар Пике ва Клеман Лангле билан шартномаларни узайтиришганди.