Украиналик футбол журналисти Игорь Циганик ўзининг муаллифлик дастури орқали «Шахтёр» бош мураббийи Луиш Каштру истеъфога яқин бўлганини айтиб ўтди.

«Реал» устидан қозонилган ғалаба Луиш Каштру учун жуда муҳим аҳамиятга эга. У анча вақтгача иккаланиб юрди: натижа учун ёши катта футболчилардан фойдаланиш керакми ёки ёшларга ишонч билдириш? Ҳозирда эса шубҳага ўрин қолмади — «Шахтёр»нинг келажаги бор.

Аввалги дастурларимдан бирида мен «Шахтёр»нинг савиясини баҳолай олмаслигимни айтган эдим. Футболчилар майдонга чиқишди ва ўзларини кўрсатишди. Энди эса барқарорлик намойиш этиш керак.

Каштру қўрқмади, ёшларни майдонга туширди. Бу футболчилар қанчалик барқарор ўйин намойиш этишади — асосий масала шунда.

Сизга очиғини айтаман: Каштру истеъфо арафасида турган эди. «Реал»га қарши ўйин уни қутқариб қолди. Ўйлашимча, у Чемпионлар лигаси охиригача ишлайди», — деди журналист.